Нашето знаење и искуство – ваша сигурност
Од 2000 година ги истражуваме, проектираме, надгледуваме и контролираме темелите на инфраструктурата во Македонија и регионот.
ГЕОХИДРОИНЖЕНЕРИНГ ДОО – Скопје е компанија специјализирана за истражување и испитување на теренот од геолошки, инженерско-геолошки, хидрогеолошки и геотехнички аспект.
Изработуваме техничка документација – елаборати, проекти и студии – која е подлога за проектирање и изведба на патишта, железници, мостови, тунели, далноводи, нафтоводи и гасоводи, како и на брани и станбено-деловни објекти. Истражуваме лежишта на металични и неметалични минерални суровини, вршиме геолошки и геотехнички надзор и ревизија на техничка документација.
Покрај инженерските услуги, поседуваме машина за изведба на колови COMACCHIO CH 450, акредитирана градежна лабораторија и сопствен погон за производство на бетонски и армирано-бетонски елементи.
Ги следиме светските искуства, технологии и стандарди и ги применуваме во секој проект – со сопствен стручен кадар и во соработка со експерти кои применуваат меѓународни стандарди.
Накратко
- Основана
- Октомври 2000
- Правна форма
- Друштво за градежништво, инженеринг и други услуги
- Седиште
- ул. 1606 бр. 8, Ѓорче Петров, Скопје
- Лиценци
- А и Б категорија – проектирање, надзор и ревизија
- Лабораторија
- Акредитирана, сертификат ЛТ-096
„Нашето знаење и искуство, се вашата сигурност.“
Располагаме со високостручен кадар кој во текот на долгогодишното постоење на компанијата учествувал во изработка на техничка документација од областа на геологијата, инженерската геологија, хидрогеологијата и геотехниката за најразлични видови објекти.
Над 25 години темели
Основање
Во октомври 2000 година е основано ГЕОХИДРОИНЖЕНЕРИНГ ДОО – Скопје, друштво за градежништво, инженеринг и други услуги.
Коридор 8 и првите железници
Геотехнички истражувања за Коридор 8 (Деве Баир – Крива Паланка, Гостивар – Букојчани – Кичево), пругата Длабочица – Деве Баир и браната „Блато“, и геотехнички надзор на новата пруга Бељаковце – Крива Паланка.
Брани, рударство и енергетика
Геотехнички надзор при изградба на брана „Св. Петка“ (Матка II), геолошки надзор на јагленовите лежишта „Неготино“ и „Мариово“, истражувања за 400 kV далноводи, Основната геолошка карта ОГК-2 и гасоводниот систем во Македонија (950 km).
Проекти во регионот
Истражувања за кампот на KFOR во Призрен (Косово) и за 110 kV далноводот „Скадар“ (Албанија), и геотехнички надзор на патниот правец Шавник – Грабовица (Црна Гора).
Хидроенергетика и нови лежишта
Истражувања за 18 мали хидроелектрани, геолошки надзор на лежиштата „Брод – Гнеотино“ и „Лавци“, надзор на инјекционите работи на брана „Козјак“ и истражувања на Коридор 8, делница Кичево – Требеништа.
Брана „Конско“ и нова механизација
Почеток на истражувањата и контролните испитувања за брана „Конско“, набавка на машината за колови COMACCHIO CH 450 и прва изведба – инјекционата завеса на брана „Глобочица“.
Акредитирана лабораторија
Градежната лабораторија е акредитирана според МКС EN ISO/IEC 17025 (сертификат ЛТ-096) за испитување на бетон, агрегат, асфалт и геомеханички испитувања.
Автопатот Кичево – Охрид
Колови, самодупчечки анкери, инклинометри, заштита од одрони, геотехнички истражувања на косини и пробно товарење – 19 проекти на една траса.
Ревизија и надзор на објекти
Ревизија на проектна документација за Градежен институт Македонија и Фабрика Карпош, стручен надзор на станбени комплекси, Основната инженерскогеолошка карта – лист Скопје и брана „Отиња“.
Комплетна услуга
Акредитирана лабораторија, сертифицирани системи ISO 9001, ISO 14001 и ISO 45001 и сопствено производство на бетонски елементи.
Што не води
Стручност
Високостручен кадар од геологија, геотехника и градежништво и знаење стекнато на повеќе од 110 проекти.
Квалитет
Сертифициран систем ISO 9001 и акредитирана лабораторија според МКС EN ISO/IEC 17025.
Безбедност
Безбедност и здравје при работа според ISO 45001 – на секое градилиште и во секоја лабораторија.
Одговорност
Грижа за животната средина според ISO 14001 и елаборати за заштита на животната средина.
Стандарди на кои можете да се потпрете
Работиме според интегриран систем за управување сертифициран од TÜV Austria, а нашата лабораторија е акредитирана од Институтот за акредитација на Република Северна Македонија. Лиценците за проектирање, ревизија, надзор и изведба се издадени од Министерството за транспорт и врски.